Գտնվել է մատնահետքերով ռասան որոշելու միջոցը. 1in.am

Ամերիկացի մարդաբանները հայտարարել են, որ մատնահետքի միջոցով կարելի է որոշել, թե տվյալ մարդու ցեղում եղել են արդյոք եվրոպոիդներ կամ նեգրոիդներ, հայտնում է lenta.ru-ն:

Գիտնականները երկու ռասաների ներկայացուցիչներից էլ վերցրել են աջ ցուցամատի մատնահետք: Առաջին խմբում եղել են 122 աֆրոամերիկացիներ` 61 կին և 61 տղամարդ: Երկրորդ խմբում եղել են եվրոպոիդներ` 61 կին և 60 տղամարդ: Ստացված մատնահետքերը վերլուծել են ինչպես մեծամասշտաբ, այնպես էլ տեղական հատկանիշներով: Մեծամասշտաբ հատկանիշներից է, օրինակ, մատնահետքի նախշի տեսակը, իսկ տեղական` մատնահետքի գծերի կառուցվածքը:

Համաձայն գիտնականների հայտարարության՝ մարդկանց երկու խմբերի համար այդ կառուցվածքային փոփոխություններն ունեցել են բնութագրիչ տարբերություններ, սակայն նրանք մարդու սեռը ցույց տվող նշաններ չեն գտել:

Գիտնականները կարծում են, որ այդ մեթոդը մշակելուց հետո կարող են օգտագործել ինչպես մարդաբանները, այնպես էլ քրեական հիմնարկների մասնագետները:

Հարցեր, պատասխաններ, մեկնաբանություններ